Më 16.03.2026, në ora 01:05, në vendin e quajtur “Ura e Moroishtit” në rrugën rajonale Strugë–Vranishtë, zyrtarët policorë nga SPB Strugë e kanë privuar nga liria A.H. (40) nga fshati Labunishtë i Strugës.
Gjatë një kontrolli në komunikacion, zyrtarët policorë nga Stacioni Policor për Siguri në Komunikacionin Rrugor në Strugë ndaluan një automjet udhëtarësh të tipit “Peugeot” me targa të Strugës, të cilin e drejtonte ai.
Me këtë rast u konstatua se ai nuk kishte dhënë provimin për patentë shofer dhe nuk kishte të drejtë të drejtonte automjet motorik të kategorisë “B”.
Për më tepër, gjatë alkotestit të kryer iu konstatuan 1.64 promil alkool në gjak.
Ai menjëherë u përjashtua nga komunikacioni, automjeti u sekuestrua, dhe pas dokumentimit të plotë të rastit, kundër tij do të parashtrohet kallëzim përkatës.
(Struga Ekspres)
