Sot pritet mot me diell dhe mjaft i ngrohtë, me paraqitje të herëpashershme të vranësirave lokale. Do të fryjë erë e lehtë deri mesatare nga drejtime të ndryshme. Temperaturat minimale do të lëvizin nga -4 deri në 3 gradë, ndërsa ato maksimale do të arrijnë mes 15 dhe 21 gradë.
Në Shkup moti do të jetë me diell dhe relativisht i ngrohtë, me erë të dobët të ndryshueshme. Temperatura minimale pritet të zbresë deri në -1 gradë, ndërsa maksimalja do të arrijë rreth 20 gradë.
Të premten parashikohet mot kryesisht i qëndrueshëm dhe me diell, me vranësira të pakta deri mesatare. Ndërsa gjatë fundjavës dhe në fillim të javës së ardhshme pritet mot më i paqëndrueshëm, me shtim të vranësirave dhe reshje të herëpashershme lokale shiu.
