Gashi takon në Uashington përfaqësuesin e Heritage Foundation, Max Primorac
Kryetari i Kuvendit të Republikës së Maqedonisë së Veriut, Afrim Gashi, gjatë vizitës së tij në Uashington është takuar me Max Primorac, Bashkëpunëtor i Lartë Kërkimor në Qendrën për Liri Margaret Thatcher pranë The Heritage Foundation.
Në njoftimin e bërë publik në rrjetet sociale, Gashi ka theksuar se diskutimi ishte i frytshëm dhe u përqendrua në rolin e institucioneve të forta, vlerat e lirisë si dhe rëndësinë e partneritetit transatlantik për paqen dhe stabilitetin e Ballkanit Perëndimor. “Kemi zhvilluar një dialog të hapur për rolin e institucioneve të forta, vlerat e lirisë dhe rëndësinë e partneritetit transatlantik për paqen dhe stabilitetin e Ballkanit Perëndimor. Dialogu i hapur me miqtë tanë amerikanë është thelbësor për avancimin e vlerave demokratike dhe stabilitetit rajonal”, ka shkruar Gashi.
