Ministria e Punëve të Brendshme, Sektori i Çështjeve të Komunikacionit dhe Njësiti Mobil për Sigurinë në Komunikacionin Rrugor menjëherë ndërmorën masa dhe veprime operative përkatëse pas publikimit të videos në rrjetet sociale ku shihet një person i cili drejton një mjet motorik udhëtarësh me shpejtësi prej 293 kilometrash në orë në autostradën Shkup-Gjevgjeli, pranë Negotinës, ku shpejtësia maksimale e lejuar është 120 km/orë.
Pas veprimeve të ndërmarra, personi që drejtonte automjetin është identifikuar, gjetur dhe thirrur. Në lidhje me ngjarjen, personi A.D. (36) nga fshati Elovë, rrethina e Shkupit është sanksionuar në përputhje me dispozitat ligjore.
Ministria e Punëve të Brendshme u bën apel të gjithë pjesëmarrësve në komunikacion që të respektojnë rregullat dhe rregulloret e komunikacionit, me qëllim ruajtjen e sigurisë së të gjithë qytetarëve.
