
MPB- Strugë ka paraqitur kallëzim penal kundër dy grave nga Struga, të moshës 43 dhe 48 vjeç, për shkak të dyshimeve të bazuara për kryerjen e veprave penale “raportim i rremë i veprës penale” dhe “përvetësim”.
Të dy të punësuarat në një pikë bastesh sportive, me marrëveshje të mëparshme mes tyre, më 30 dhjetor 2025 kanë raportuar në MPB- Strugë një vepër penale “grabitje”, duke deklaruar se në pikën e basteve ku punonin, gjoja ka hyrë një person mashkull i cili, me kërcënim me armë zjarri, u ka kërkuar paratë nga qarkullimi ditor dhe më pas është larguar, informojnë nga MPB.
(Struga Ekspres)













