Vazhdon bllokada e rrugës Strugë–Qafë Thanë, rrezik nga cisterna me gaz e përmbysur
Rruga magjistrale Strugë–Qafë Thanë vazhdon të mbetet e mbyllur edhe sot, mëson Struga Ekspres nga burime policore.
Shkak për ndërprerjen e qarkullimit është një cisternë me gaz e përmbysur në afërsi të Qafë Thanës, e cila ende nuk është larguar nga vendi i ngjarjes dhe paraqet rrezik serioz për sigurinë e udhëtarëve.
Sipas informacioneve zyrtare, autoritetet kompetente janë duke punuar për zgjidhjen e situatës, por për shkak të kompleksitetit dhe rrezikut që paraqet ngarkesa, ekziston mundësia që rruga të mbetet e bllokuar edhe gjatë ditës së nesërme.
Udhëtarëve u rekomandohet të përdorin rrugë alternative dhe të ndjekin njoftimet zyrtare të institucioneve përgjegjëse.
(Struga Ekspres)
