- Advertisement -
Sipas informacioneve nga Policia e Strugës, rruga Strugë-Qafë Thanë do të mbetet e mbyllur për qarkullim deri nesër, në një orar ende të pacaktuar, si pasojë e përmbysjes së një cisterne që transportonte gaz, informon Struga Ekspres.
Autoritetet bëjnë me dije se për arsye sigurie është ndërprerë plotësisht qarkullimi në këtë aks rrugor, ndërsa ekipet përkatëse ndodhen në terren dhe po monitorojnë situatën.
Mësohet se gjatë ditës së nesërme pritet të mbërrijnë ekspertë nga Shkupi në zonën e Qafë Thanës, të cilët do të vlerësojnë gjendjen dhe do të vendosin për hapat e mëtejshëm.
Policia u bën apel qytetarëve që të shmangin këtë rrugë dhe të përdorin rrugë alternative deri në njoftimin e radhës.
(Struga Ekspres)
