Lajmi i fundit: Nesër përsëri do të tentohet të zgjidhet kryetari i këshillit komunal të Strugës, caktohet orari i ditës së fundit të vitit

- Advertisement -

Këshilli i Komunës së Strugës njofton se më 31 dhjetor 2025 (e mërkurë), me fillim në ora 11:00, do të vazhdojë puna e seancës së 2-të të jashtëzakonshme të Këshillit, njofton Struga Ekspres.

Seanca do të mbahet në Sallën e Këshillit të Komunës së Strugës, ku pritet të diskutohen pikat e parapara në rendin e ditës nga kjo seancë e jashtëzakonshme.

Përsëri do të tentohet edhe zgjedhja e kryetarit të Këshillit të Strugës, e cila dështoi një seancë më parë.

Njoftimi është bërë nga Këshilli i Komunës së Strugës dhe është nënshkruar nga anëtari më i moshuar i Këshillit, Nafi Jonuzi.
(Struga Ekspres)