- Advertisement -
Sipas Nexhat Kurt, drejtor i përgjithshëm i TAV Maqedoni, deri në fund të vitit aeroporti i Ohrit pritet të kalojë shifrën prej 262,000 pasagjerësh.
Gjatë nëntë muajve të parë të këtij viti, Aeroporti Ndërkombëtar “Shkup” dhe Aeroporti “Shën Apostol Pavle” në Ohër kanë shërbyer gjithsej 2,585,096 pasagjerë, që tregon një rritje prej 6% krahasuar me të njëjtën periudhë të vitit të kaluar. Po ashtu, numri i fluturimeve ka shënuar rritje prej 3%, duke arritur gjithsej 20,141 fluturime nga janari deri në shtator.
Aeroporti i Shkupit ka transportuar 2,375,264 pasagjerë, që është 5.4% më shumë se një vit më parë, ndërsa Aeroporti i Ohrit ka regjistruar një rritje dyshifrore prej 16.2%, me gjithsej 209,832 pasagjerë të shërbyer.
