- Advertisement -
Banorët e Belicës mbajtën sonte një mbledhje, ku në rend dite ishte zgjedhja e kryetarit të tyre dhe kryesisë së re prej 7 anëtarësh, njofton Struga Ekspres.
Pas diskutimeve dhe dakordësisë së plotë mes të pranishmëve, kryetar u zgjodh në mënyrë unanime z. Milazim Roçi.
Mbledhja u zhvillua në një atmosferë bashkëpunimi dhe mirëkuptimi, ndërsa banorët shprehën besimin se z. Roci do të përfaqësojë denjësisht interesat e komunitetit dhe do të kontribuojë në zhvillimin e mëtejshëm të zonës.
Zgjedhja unanime u vlerësua si një tregues i unitetit dhe mbështetjes së gjerë që gëzon kryetari i ri mes banorëve të Belicës.
(Struga Ekspres)
