Kryetari i Komunës së Strugës, Mendi Qyra ka deklaruar se në ditët në vijim do të publikojë të gjitha keqpërdorimet që, sipas tij, janë kryer në institucionet komunale nga udhëheqja e kaluar njofton Struga Ekspres.
Qyra theksoi se transparenca dhe llogaridhënia janë parime kyçe të qeverisjes së tij, duke shtuar se qytetarët kanë të drejtë të informohen për mënyrën se si janë menaxhuar fondet dhe institucionet publike në të kaluarën.
Publikimi i paralajmëruar pritet të ngjallë reagime në skenën lokale politike, ndërsa opinioni publik pret detaje konkrete mbi këto pretendime.
(Struga Ekspres)
