Ministri Durmishi: Rritja e pagës minimale do të jetë e qëndrueshme dhe e parashikueshme
Ministri i Ekonomisë dhe Punës, Besar Durmishi, mori pjesë sot në seancën e Këshillit Ekonomik-Social, ku u diskutuan tregu i punës, standardi i jetesës dhe dialogu social.
Ai prezantoi Planin Operativ për punësim 2026, me fokus te të rinjtë dhe kategoritë më të rrezikuara. Për pagën minimale, Durmishi theksoi se rritja do të realizohet në mars sipas ligjit dhe në mënyrë të qëndrueshme, për të ruajtur stabilitetin ekonomik dhe vendet e punës.
“Dialogu social mbetet çelësi për politika të qëndrueshme ekonomike dhe sociale,” tha Ministri.
