Hoxha jep lajmin e mirë: Janë paguar mbi 335 milionë denarë për 1.211 blegtorë
Zëvendësministri i Bujqësisë, Albrim Hoxha ka shpërndarë lajmin e mirë për blegtorët.
Ai bën të ditur se sot është realizuar pagesa e mjeteve në shumën e përgjithshme prej 335.963.096 denarë për 1.211 blegtorë në përputhje me Programin për mbështetje financiare në bujqësi për vitin 2024.
“Sa i përket përfituesve të cilëve nuk u janë paguar mjetet në bazë të subvencioneve për vitin 2023, informojmë se të njëjtit duhet t’i drejtohen Agjencisë për mbështetje financiare në bujqësi dhe zhvillim rural, me qëllim që të bëhet verifikim i detajuar dhe shqyrtim i secilit rast individual”, ka thënë zëvendësministri Hoxha.
Ai postimin në Fejsbuk e përmbyll me porosinë se kujdesi për bujqit vazhdon.
