Sali: Përkushtimi i Qeverisë VLEN për UT-në nuk do të mungojë
Kryetari i Alternativës dhe njëri nga liderët e VLEN, Bekim Salii sot ka marrë pjesë në Akademinë solemne kushtuar 31 vjetorit të themelimit të Universitetit të Tetovës me ç’rast, ish presidenti shqiptar, Rexhep Mejdani u shpall Doctor Honoris Causa.
“Mu kujtuan para vetes, sakrificat e gjeneratave të kaluara, me pasuri, me protesta, me gjak, për të pasur një Universitet që do të na bëjë krenar të gjithëve. Historia e shqiptarëve të Maqedonisë së Veriut është e shënuar me momente të tilla, ku gratë e sapomartuara kanë ndarë arin e tyre për të ndërtuar një institucion shtetëror arsimor në gjuhën shqipe”, është shprehur Sali.
Shton se sot me krenari mund të thuhet se nuk mungon përkushtimi i Qeverisë VLEN për Universitetin e Tetovës, Universitetin “Nënë Tereza” në Shkup dhe të gjitha institucionet e arsimit të lartë.
“Urime 31 vjetori i Universitetit të Tetovës!”, thekson Sali në postimin në rrjetet sociale.
