Durmishi: Përkrahje financiare për prodhuesit vendorë të cilët dëshirojnë të rrisin kapacitetin prodhues dhe prodhuesit që do të investojnë në teknologji
Në emisionin “Click Plus” në TV21 ku i ftuar ishte ministri i Ekonomisë dhe Punës, Besar Durmishi foli për planet e tij për vitin që vjen duke theksuar rolin kryesor në ligjin për përkrahje financiare të investitorëve.
Në ligjin për përkrahje financiare të investitorëve që do të fillojë të implementohet nga Ministria e Ekonomisë dhe Punës, nga 1 janari është paraparë përkrahje financiare e prodhuesve vendorë, të cilët dëshirojnë të rrisin kapacitetin prodhues dhe prodhuesit që do të investojnë në teknologji. Kjo sipas Durimishit do të ndikojë në rritjen e numrit të punësimeve dhe rritjen e sasisë së prodhimit vendor. Ndërkohë për punësimet, Durmishi tha se janë bërë mbi 2500 punësime në institucionet shtetërore dhe mbi 800 avancime.
