Në palestrën sportive të shkollës fillore “Vëllezërit Milladinov” në Strugë u mbajtën sot garat komunale shkollore në volejboll, ku morën pjesë pesë shkolla të komunës, me ekipe vajzash dhe djemsh.
Në aktivitet u përfshinë shkollat: “Vëllezërit Milladinov” dhe “Josip Broz Tito” nga Struga, “Yahya Kemal”, “Aki Dika” nga Livadhi si dhe “Goce Dellçev” nga Podgorci. Ndeshjet u karakterizuan nga rivalitet i fortë, organizim i mirë dhe paraqitje të shkëlqyer të të rinjve sportistë.
Pas një serie përballjesh , ShKF “Vëllezërit Milladinov” doli kampion në të dy kategoritë, duke siguruar vendin e parë si me ekipin e vajzave, ashtu edhe me atë të djemve. Suksesi vjen nën udhëheqjen e profesor Betim Shabani, me asistencën e profesor Hynor Dauti.
(Struga Ekspres)
