Mexhiti: Në AKI kanë mbetur vetëm Ahmeti e Taravari, e kanë humbur shpresën
Njëri nga liderët e VLEN dhe kryetar i Çairit, Izet Mexhiti në emisionin “1+1” në TVM2 ka thënë se me zgjedhjet e fundit lokale, opozita shqiptare ka humbur legjitimitetin, bashkë me të edhe shpresën.
“Edhe pse ishin zgjedhje lokale, opozita shqiptare i dha një dimension tjetër që është një betejë për legjitimitet dhe tani e kanë humbur legjitimitetin dhe opozita shqiptare apo AKI nëse ekziston më, me sa kam kuptuar tani z. Sela ka dalë prej aty dhe kanë mbetur vetëm Ahmeti dhe Taravari, nuk janë ballafaquar me humbje, por me humbje të shpresës dhe kur humbni shpresën ndodhë ajo që ndodhë, shpërbërje dhe largime nga ai tabor i humbjeve dhe këtu ka lëvizje të shumta”, ka thënë Mexhiti duke u përgjigjur njëherësh në pyetjen për lëvizje të mundshme që mund të ndodhin nga opozita drejt pushtetit.
Se sa është numri i atyre që negocojojnë me pushtetin, ai me përgjigje:
“Së shpejti do të dalin në sipërfaqe”, ka nënvizuar Mexhiti.
