NP “Rrugët e Maqedonisë” informon se mjegulla e dendur ka reduktuar dukshmërinë në aksin Kodra e Diellit–Tetovë deri në rreth 25 metra, ndërsa në zonën e Strazhës ajo varion ndërmjet 50 dhe 70 metrave.
Po ashtu, institucioni njofton se në disa segmente rrugore që kalojnë nëpër prerje dhe gryka mund të paraqiten rrëshqitje të vogla dheu, të cilat pastrohen vazhdimisht.
Shoferët apelohen të tregojnë kujdes të shtuar, të ndjekin sinjalistikën rrugore dhe të përshtatin shpejtësinë me kushtet aktuale në rrugë.
