Fetai vizitoi Misionin e përhershëm të Maqedonisë pranë OKB-së: Forcojmë pozicionin e vendit në rendin botëror
Zëvendëskryeministri për qeverisje të mirë, Arben Fetai, gjatë vizitës zyrtare në Nju Jork ka vizituar Misionin e përhershëm të Maqedonisë së Veriut pranë Kombeve të Bashkuara.
Atje ai është pritur nga Kristina Kozovska- Gavrillova, chargée d’affaires.
Në këtë takim, siç bën të ditur Fetai, është biseduar për dinamikat aktuale në sistemin e OKB-së dhe për nevojën që vendi ynë të ketë një prezencë më të koordinuar dhe më të dukshme në këto procese.
“Puna jonë në Kombet e Bashkuara kërkon qasje të qartë, bashkërendim të vazhdueshëm me partnerët tanë dhe angazhim të përditshëm për të forcuar pozicionet e Maqedonisë së Veriut në rendin botëror”, shkruan në postimin e tij në Fejsbuk, zëvendëskryeministri Fetai.
