Aleanca për Shqiptarët(ASH) mbajti një koktej me pjesëmarrjen e kryesisë së partisë, deputetëve, kryetarëve të shtabeve zgjedhore, kryetarëve të degëve, këshilltarëve dhe kandidatëve për kryetarë komunash.
“Energjia e Aleancës për Shqiptarët është në maksimum sepse kur motivi vjen nga populli gjithçka është më e thjeshtë.
Gëzuar nga kjo atmosferë festive që organizuam sonte për të paraprirë Festa edhe më të mëdha. Drejt më t’Mirës!”, theksoi kryetari i kësaj partie, Arben Taravari.
Gjatë takimit, siç thuhet “në komunikatën partiake drejtuesit e partisë uruan këshilltarët e sapozgjedhur, të cilët pritet të përfaqësojnë interesat e qytetarëve në institucionet lokale, duke theksuar rëndësinë e angazhimit dhe përgjegjësisë në detyrat që i presin.”
Përfaqësues të Aleancës për Shqiptarët më tej vlerësuan se “energjia brenda partisë është më e fortë se kurrë, duke nënvizuar se subjekti mbetet i bashkuar dhe i vendosur për të vazhduar punën drejt objektivave politike dhe programore.”(INA)
