VLEN: Ekonomia po merr formë me Besar Durmishin në krye
Ministri i Ekonomisë dhe Punës, Besar Durmishi vazhdon me lajme të mira. Janë 107 kompani dhe 37 startup-e që së fundmi krijojnë 265 vende të reja pune me mbështetjen e BE-së.
Me një rritje mesatare prej 30% për kompanitë e mbështetura, 5 akseleratorë rajonalë funksionalë dhe mbi 9 milionë euro investime të reja në ekonominë lokale, po hapet një kapitull i ri i zhvillimit të ekonomisë me në krye ministrin Durmishi.
Ky projekt nuk zhvillon vetëm biznesin, por edhe një model të ri të ekonomisë, që nxit inovacionin, praktikat e gjelbra, prodhimin modern dhe agroteknologjinë, krijon rritje ekonomike, inovacion dhe perspektivë evropiane!
Ko është uverturë e progresit, lulëzimit të ekonomisë, rrugës drejt një ekonomie të fortë dhe të drejtë, ku çdo qytetar bëhet krijues i së ardhmes së vet.
VLEN vlerëson angazhimin e ministrit Durmishi i cili me vizionin dhe elanin e tij të punës po e kthen mbështetjen për ekonominë në një politikë konkrete që prek jetën e mijëra qytetarëve. Këto politika janë dëshmi se VLEN po ndërton një ekonomi moderne dhe gjithëpërfshirëse, ku çdo vend pune dhe çdo investim në dije e teknologji është investim në të ardhmen e vendit.
Ndryshimi tashmë është i dukshëm: një ekonomi më e fortë dhe më konkurruese po merr formë, duke garantuar perspektivë për qytetarët dhe zhvillim të qëndrueshëm për gjeneratat që vijnë.
