Vonesë mbi 5 orë në fluturimin Ohër–Memingen, pasagjerët të revoltuar
Fluturimi i linjës Ohër–Memingen është përballur sot me një vonesë prej më shumë se 5 orësh e 15 minutash, duke shkaktuar pakënaqësi të madhe tek pasagjerët.
Sipas raportimeve për Struga Ekspres, avioni ishte planifikuar të nisej në ora 12:35, por nisja është shtyrë disa herë për arsye ende të paqarta. Pasagjerët tregojnë se përveç pritjes së gjatë në aeroport, ata kanë qëndruar rreth 1 orë e 40 minuta brenda aeroplanit, pa informacion të qartë mbi situatën.
“Askush nuk na informoi saktësisht çfarë po ndodhte. Qëndruam për orë të tëra në avion, dhe ishte shumë e lodhshme”, u shpreh një udhëtar për Struga Ekspres.
Deri në momentin e publikimit të këtij lajmi, arsyet e vonesës nuk janë bërë të ditura nga kompania ajrore. Pasagjerët kërkojnë shpjegim dhe kompensim për vonesën e gjatë.
(Struga Ekspres)
