Elmazi emocionohet nga mikpritja në Semenisht: “Semenisht breh çka paske bo!”
Kandidati i koalicionit VLEN për komunën e Sarajit, Muhamet Elmazi sonte është pritur në mënyrë madhështore nga banorët e Semenishtit.
Në takimin, i cili i ngjasonte një tubimi qendror dhe jo vetëm takim i një dege të VLEN-it, Muhamet Elmazi shpalosi vizionin e tij, planprogramin dhe projektet për Semenishtin konkretisht por edhe për vendbanimet e Sarajit.
Elmazi, dukshëm i suprizuar nga mikpritja madhështore, në rrjetin social facebook, këtë mikpritje e përshkroi me disa fjalë emocionuese: “Semenisht breh çka paske bo Ju faleminderit !!!”.
Kujtojmë se që nga fillimi i fushatës Muhamet Elmazi ka vizatuar çdo vendbanim të Sarajit, është takuar me mijëra qytetarë duke shpjeguar vizionin e tij për Sarajin, ndërsa mbështetja që ka marrë ka qenë mbresëlënëse.
