Prej nesër Ramiz Merko fillon të realizojë njërën nga premtimet kryesore kundër interesit të qytetarëve të Strugës. Rrugën “Brigadat Proletare”, që është rruga kryesore hyrëse në qytet e shndërron përsëri në njëkahëshe. Kjo rrugë me mund dhe me vullnetin e qytetarëve u bë dykahëshe në vitin 2013, ndërsa Merko dhe klani i tij, për interesa të disa bashkëpunëtorëve të tij dhe në kundërshtim me ligjin dhe vullnetin qytetar e rikthen në njëkahëshe.
Me skandaloze është se ky regjim i ri në komunikacion është bërë pa studim dhe pa kaluar në Këshillin e Komunës. Prandaj e ftojmë edhe Policinë dhe organet përkatëse pranë MPB-së, që të mos bëhen pjesë e kësaj loje të ulët.
Ky njeri që aq shumë e dashuron kaosin urbanistik po realizon premtimet e bëra për interesa personale të tijat dhe të bashkëpunëtorëve të tij. Të gjitha në dëm të qytetit dhe qytetarëve.
I rikujtojmë këtyre mendjeprishurve se Struga nuk është pronë e tij private me të cilën mund të bëjë çka ti dojë qejfi.
Aleanca për Shqiptarët do ta kundërshtojë këtë vendim në të gjitha instancat ligjore.
Aleanca për Shqiptarët – Strugë
