Sot në kazermën e Tetovës ka shpërthyer zjarr, ku lëndime kanë marrë katër ushtarë, prej të cilëve dy janë lënduar më rëndë.
Rastin për “Telegraf” e ka konfirmuar edhe drejtori i Spitalit të Tetovës, Florin Besimi.
Ushtarët të cilët kanë marrë lëndime më të rënda janë dërguar për në Klinikat e Shkupit, ndërsa dy të tjerët po mbahen në Spitalin e Tetovës.
Për momentin nuk dihen arsyet e shpërthimit, ndërsa pritet që detaje tjera të jepen gjatë ditës së sotme.