19 këmbësorë strugan u dënuan se nuk kaluan nga vijat e bardha

Më datë 06.04.2022 nga ora 10 deri në ora 15, në territorin e SPB Ohër, janë kryer kontrolle të intensifikuara në komunikacion ndaj këmbësorëve si pjesëmarrës në komunikacion. Me këtë, zyrtarët policorë kanë gjetur dhe gjobitur gjithsej 41 këmbësorë të cilët kanë bërë kalim të pasigurt të rrugës dhe kanë kaluar rrugën jashtë vendkalimit të shënuar për këmbësorë (Ohër-17, Strugë-19, Kërçovë-04, Dibër-01). Kontrollet e trafikut të këmbësorëve do të intensifikohen në periudhën e ardhshme dhe synimi është respektimi i detyrueshëm dhe konsekuent i detyrimit ligjor për përdorimin e vendkalimeve të këmbësorëve gjatë kalimit të rrugëve dhe ngritja e sigurisë së tyre në komunikacion.