Policia e Ohrit ka gjetur para të falsifikuara dhe drogë tek një i mitur nga fshati Elshan,njofton Struga Ekspres.
MPB-ja njoftoi sot se tek 16-vjeçari u gjetën para të falsifikuara me vlerë totale 1050 euro dhe drogë.
Gjatë kontrollit të kryer në rrugën “Goce Dellçev” në Ohër, zyrtarët policorë kanë gjetur dhe konfiskuar 21 kartëmonedha prej 50 euro me të njëjtin numër serik dhe një qese me marihuanë, thuhet në informacion.
Personi është ndaluar mbrëmë në ora 22:30 në MPB-në e Ohrit dhe pas zbardhjes dhe dokumentimit të plotë të rastit ndaj tij do të ngrihet kallëzim përkatës.
(Struga Ekspres)
