/div>
Loris
Dhoma-Energy Reklamo ketu!
Tërmetet e fuqishme në Kroaci, humb jetën 15 vjeçari
Rajoni, Slider

Tërmetet e fuqishme në Kroaci, humb jetën 15 vjeçari

Një fëmijë 15-vjeçar është viktima e parë e tërmeteve të njëpasnjëshme në Zagreb, konfirmoi Instituti i Mjekësisë Urgjente me qendër në Zagreb për agjencinë kroate të lajmeve HINA, transmeton Alsat.

“Morëm një telefonatë për rrënim të një objekti. Ekip i ambulancës doli në terren dhe ka gjetur një fëmijë të lënduar rëndë, i cili nuk po tregonte më shenja jete”, tha Zharko Rasiç, drejtor i Institutit të Mjekësisë së Urgjencës.

Fëmija u dërgua në Klinikën e Sëmundjeve Pediatrike, ku edhe u konstatua vdekja e tij.

Tri tërmete kanë ndodhur sot në mëngjes në Kroaci, konkretisht në Zagreb me rrethinë.Dy tërmete të forta, njëri 5.3 dhe të tjerëri 5.0, goditën Zagrebin të dielën në mëngjes dhe shkaktuan dëme në ndërtesa.

Tërmeti i parë i fortë me 5.3 zgjoi banorët e Zagrebit në orën 6.24 dhe ishte tërmet që zgjati disa sekonda duke shkaktuar dëme në ndërtesa.

Në 7.01 të mëngjesit, një tërmet i ri u ndje në Zagreb. Dëmet e objekteve u raportuan në qendër të qytetit ku nuk kishte energji elektrike dhe ujë.

Për shkak të mundësisë së tërmeteve të vogla, të ashtuquajturat dridhje, njerëzve u kërkohet të qëndrojnë jashtë dhe të mos banojnë në ndërtesa të dëmtuara, shkruan Qendra Evropiane e Sizmologjisë Mesdhetare në Twitter.

March 22, 2020

Struga Ekspres