/div>
Loris
Dhoma-Energy Reklamo ketu!
Spitalet në Zvicër nuk kanë dashur ta pranojnë diplomatin serb të infektuar me koronavirus
Rajoni, Slider

Spitalet në Zvicër nuk kanë dashur ta pranojnë diplomatin serb të infektuar me koronavirus

Daçiq për RTS ka thënë se një spital në Gjenevë nuk ka dashur ta pranojë diplomatin serb në këtë vend i cili është i infektuar me koronavirus, ndërsa një tjetër spital në Bern, pas kontrollit, e ka dërguar në shërim shtëpiak dhe i është thënë të pijë paracetamol.

Ai ka thënë se me koronavirus janë infektuar dy diplomatë serbë pranë misionit të KB në Gjenevë.

“E kemi edhe një tjetër anëtar i misionit tonë diplomatik në Gjenevë i cili gjithashtu është i infektuar me këtë virus dhe i cili është në gjendje mjaft të rëndë, momentalisht gjendet në një spital në Zvicër. Ky është diplomati ynë i dytë i cili është i infektuar.

Daçiq ka shtuar se në Zvicër situata “është kaotike”.

“Diplomatit tonë të parë i kanë thënë që të lajmërohet më 21 mars që të shihet se a është shëruar. Ai është lajmëruar, ndërsa ata i kanë thënë se nuk ka nevojë të vij, sepse nuk kanë teste dhe se i testojnë vetëm të sëmurit e rëndë, dhe që ai në mënyrë preventive të mbetet në gjysmëizolim. Kështu ai tani nuk e di se a është shëruar, në ndërkohë është infektuar edhe diplomati tjetër, të cilin nuk kanë dashur ta pranojnë në spital”, ka thënë Daçiq.

March 25, 2020

Struga Ekspres