| REAGIM
ASH: Shqiptarët duan të integrohen në BE dhe NATO si shqiptar dhe jo si maqedonas!
Vlerat europerendimore dhe perspektiva euro-atlantike ka qenë dhe do të ngelet objektiv dhe përcaktim esencial i ASH-së në veprimin e saj politik.
Qeveria e Maqedonisë, në fushatën e saj, po shpërndan afishe dhe materiale propagandistike duke e bërë vetëm kombin maqedonas ekzistent në Maqedoni dhe gjithashtu duke shkelur mbi realitetin multietnik të vendit.
Afishet që zyrtarë të LSDM-së po i ndajnë me opinionin: Hyjmë në NATO dhe BE si maqedonas”, “ Me marrëveshjen e sigurojmë ardhmërinë maqedonase” dhe “Gjuha Maqedonase është e mbrojtur”, konfirmojnë shqetësimin dhe reagimet e ASH-së se kjo qeveri tenton ta zhbëjë kombin shqiptar, madje ta paraqes si të paqenë.
Shqiptarët e duan integrimin në BE dhe në NATO. Ata pa fajin e tyre kanë ngelur me dekada jashtë këtyre institucioneve ndërkombëtare pikërisht ndaj kontesteve politike të maqedonasve me fqinjët e tyre dhe sot kjo qeveri tenton t’ju mvesh kombin politik “maqedonas”.
E rikujtojmë Qeverinë LSDM-BDI se shqiptarët do të integrohen në BE dhe NATO si shqiptar dhe europian, por jo edhe si maqedonas.
Departamenti për Informim
Aleanca për Shqiptarët
