Policia ka gjetur një “BMV” të një mërgimtari e cila ishte denoncuar si e vjedhur
Maqedoni, Slider

Policia ka gjetur një “BMV” të një mërgimtari e cila ishte denoncuar si e vjedhur

Një veturë e tipit “BMV” e cila dje ishte denoncuar si e vjedhur në Tetovë sot ishte gjetur nga nëpunësit e policisë, informon SPB Tetovë.

Vetura kishte targa gjermane dhe është pronë e një mërgimtari. Si të vjedhur, veturën e kishte denoncuar një i afërm i tij i cili e drejtonte, ndërsa ia kishin vjedhur me çelësat e lënë në veturë.

“Sot rreth orës 13, në rrugën lokale Strimnicë-Çellopek policët e kanë gjetur automjetin “BMV” me targa gjermane. Përndryshe, mbrëmë rreth orës 23:40 ishte denoncuar se është marrë në rrugën “Shtipska” në Tetovë, nga ana e tetovarit 45 vjeçar R.V.”,informon Marjan Josifovski zëdhënës i SPB Tetovë.

Është bërë ekspertizë, pas çka vetura do t’i kthehet pronarit.

August 1, 2019

Struga Ekspres