Kuvendi miratoi sot ligjin për amnisti, me të cilin lirohen nga dënimi të burgosurit që u ka mbetur vetëm 6 muaj nga kryerja e dënimit, ndërsa ata që kanë mbi 6 muaj dënim të mbetur, lirohen nga 30% e dënimit të përgjithshëm.
Amnestia nuk përfshin personat e dënuar me burgim të përjetshëm, ata që janë dënuar për veprën penale Vrasje, të dënuarit për përdhunim dhe pedofili, për terrorizëm dhe vepra kundër shtetit, për vepra penale kundër rendit dhe qetësisë publike, ata që janë dënuar për krime kundër njerëzimit apo të drejtës ndërkombëtare.
Amnestia nuk përfshin as personat të cilat veprat penale I kanë kryer pas 20 shtatorit të vitit 2017, e as ata ndaj të cilëve janë lëshuar fletëarreste për momentin. Me këtë ligj, nga burgu do të lirohen rreth 670 të burgosur të cilëve u ka mbetur 6 muaj deri në përfundimin e dënimit si dhe do tu ulet dënimi për 30%, edhe 3097 personave të tjerë të dënuar.
