Sot Myftininë e BFI-së në Strugë dhe xhaminë historike “Mustafa Çelebi” e vizituan nxënësit e gjimnazit “Ibrahim Temo” Strugë dhe gjimnazit “Josip Broz Tito” Manastir bashkë me profesorët e tyre. Ata u mirëpritën nga Myftiu i Strugës Mr. Salim ef. Sulejmani me bashkëpuntorët e tij. Myftiu u shpjegoi nxënësve historikun e xhamisë dhe rolin e saj, si dhe aktivitetet fetare në kuadër të Myftinisë. Nxënësit bënin pyetje për çështje të ndryshme rreth xhamisë, dhe parimeve të përgjithshme islame, ndërsa Myftiu i’u përgjigj për çdo interes të tyre. Në fund nxënësit bashkë me profesorët e tyre mbetën shumë të kënaqur nga mikëpritja.
