Komuna e Strugës: Në Strugë nuk ka asnjë objekt të paligjshëm në rajonin e mbrojtur për dallim nga Ohri
Maqedoni, Slider

Komuna e Strugës: Në Strugë nuk ka asnjë objekt të paligjshëm në rajonin e mbrojtur për dallim nga Ohri


Kryetari Merko takon Komisionin për menaxhim te trashëgimisë botërore natyrore dhe kulturore te rajonit të Ohrit

Me iniciativë të minisitrit për mjedis jetësor dhe planifikim hapësinor, në sallën e këshillit të Komunës së Strugës u mbajt takim për prezantimin e Draft – Raportit për vlerësimin strategjik të mjedisit jetësor per planin e menaxhimit të trashëgimisë natyrore dhe kulturore të Rajonit të Ohrit 2019-2028.

Kryetari Merko gjatë takimit u shpreh se në Komunën e Strugës nuk ka asnjë objekt të paligjshëm në rajonin e mbrojtur për dallim nga Komuna e Ohrit.Hedhim poshtë të gjitha spekulimet nga individe në pushtetin qëndror dhe nga disa media se Komuna e Strugës ka probleme finansiare. Komuna e Strugës është në pozitë të mirë financiare dhe ka mundësi investimi, prandaj pushteti qëndror duhet të na lejojë që të investojmë dhe vazhdojmë në zhvillimin e Strugës.

“Sot kemi përfunduar apo jemi në punim e sipër të mbi 30 projekteve madhore si ndërtim të infrastrukturës për kanalizim, asfalltim të rrugëve, parkingje, ujësjellës dhe kemi vullnet dhe mundësi që këto projekte ti dyfishojmë”- deklaroi kryetari Merko.

Zyra për marrëdhënie me publikun,
Komuna e Strugës

November 13, 2019

Struga Ekspres