Kryetari i Lëvizjes BESA, Bilall Kasami ka uruar nënshkrimin e protokollit nga ana e 29 ambasadorëve të vendeve anëtare të NATO-s që i hap rrugën vendit për t’u bërë anëtare e 30 e NATO-s.
Ja postimi i Bilall Kasamit:
“Ambasadorët e 29 vendeve anëtare të NATO-s sot nënshkruan protokollin për anëtarësimin e Maqedonisë në NATO.
Kjo është një ditë historike për të gjithë qytetarët e Republikës së Maqedonisë, sepse tani më vendit i hapet rruga për t`u bërë anëtari i 30 i saj.
Ky është një kontribut i të gjitha partive politike, duke bërë të pamundurën që vendi të bëhet pjesë e familjes së madhe të NATO-s dhe ne jemi krenarë që jemi pjesë e kësaj arritje historike.
Natyrisht se mbetet edhe shumë punë për tu bërë, por ne si Lëvizje BESA do të përkushtohemi në maksimum që reformat të ecin përpara”.
