Lideri i Aleancës për Shqiptarët, Ziadin Sela bashkë me kryetarin e komunës së Gostivarit, Arben Taravari kanë vizituar kryetarin e komunës së Vrapçishtit Isen Shabani, njofton agjencia e lajmeve INA.
Sela me këtë rastë tha se, e gëzon faktiv që shumica e komunave të Pollogut udhëhiqen nga Aleanca për Shqiptarët. Ai tha se ky fakt është edhe një arsye më shumë që e ka revoltuar BDI-në
“Unë pres si kryetar partie që ju mbi të gjitha të shihni interesin e qytetarëve të Vrapçishtit, si këshilltar të zgjedhur, ndërsa me politikë do të kemi kohë kur do të merremi, gjegjësisht kur do të shpallen zgjedhjet parlamentare. Puna juaj është që të relizoni sa më shumë projekte për të mirën e të gjithë qytetarëve, pa dallim përkatësie politike”, u shpreh ai.
Lideri i Aleancës tha se, e vetmja formë për të treguar se ne jemi ndryshe janë projektet dhe punët e mira për qytetarët. (INA)
