Zaev sjell lajmin e shumëpritur: Pension edhe për ata që nuk kanë 15 vite “stazh”

Kryeministri Zoran Zaev ka paralajmëruar se të gjithë qytetarët që kanë plotësuar 64 vite (meshkuj), ose 62 vite (femra) do të gëzojnë të drejtën e pensionit. Lajmin e ka bërë të ditur përmes facebookut të tij, duke paralajmëruar se “pension shtetëror” do të shfrytëzojnë edhe qytetarët të cilët nuk kanë 15 vite përvojë pune, shkruan Gazeta Lajm. Kushti i vetëm sipas Zaev do të jetë që qytetari të ketë jetuar 20 vitet e fundit në Maqedoni. Me këtë vendim të Zaevit pritet të lavderohen edhe përfaqësuesit e BDI-së edhe pse burime qeveritare thonë se ata nuk kanë qenë fort në rrjedha dhe deri tani nuk kanë pasur informacione për këtë projekt. Në fillim pensioni do të jetë 40 për qind nga rroga mesatare.