Në çdo kauzë, protestë, e festë ai nuk mungon.
Me uniformën e Ushtrisë Çlirimtare të Kosovës, 70 vjeçari, Muhamed Kuka, mbanë me krenari flamurin Kuq e Zi, të cilin nuk e lëshon nga dora.
Kuka, i cili u kthye nga Amerika, për t’iu bashkuar UÇK-së në luftën ndaj armikut serb, nuk ka hezituar të niset drejt shtetit amë, shkruan IE.
Veterani po qëndron në Durrës, një nga pjesët më të prekura nga tërmeti i sotëm, derisa po solidarizohet me vëllezërit shqiptar.
Si gjithmonë ai ka veshur uniformën e tij që nuk e heq nga trupi dhe flamuri mbi të cilin u betua gjatë ditëve më të vështira.
