Thursday, March 28, 2024
Nabizi KUPA REKLAMONI KETU
trim2 REKLAMO KETU!
trim2
Nati-Trans4
REKLAMONI KETU!
REKLAMONI KETU!
HomeOpinionUnioni Artistik i Kombit Shqiptar: 30 shtatori është një ngjarje madhore për...

Unioni Artistik i Kombit Shqiptar: 30 shtatori është një ngjarje madhore për shqiptarët

Unioni Artistik i Kombit Shqiptar ju ban thirrje shqiptarëve të Maqedonisë;

Votoni me 30 shtator për Maqedoninë Europiane, në Nato dhe BE.

30 shtatori është një ngjarje madhore për Maqedoninë por në menyrë të veçantë për shqiptarët që banojnë aty, por dhe për historinë e Kombit Shqiptar, për vetë peshën që ka vota e shqiptarëve tani në këtë referendum, ndryshe nga ai i viteve 91.
Shqiptarët kësaj radhe do përcaktojnë rezultatin dhe se me pjesëmarrjen plebishitare në votim deshmojnë realisht sa janë dhe me votën pro përcaktojnë kahjen Europiane të Republikës së Maqedonisë, si faktor determinant, shtetformues e i rreshtuar pa mëdyshje në krahun e Aleancës Atlantike e BE-së.
Vota e shqiptarëve ka peshë të madhe dhe radhitet me dinjitet përkrah evenimenteve më të mëdha historike të Kombit Shqiptar.
Kjo besëlidhje shqiptare, referendare unike eshtë simoter e Besëlidhjes së Lezhës, Lidhjes së Prizrenit, Kuvendit të Vlorës e Aktit të shpalljes së Pavarsisë së Kosovës në Kaçanik.
Në Nentorin e parë Heroi ynë Kombtar shpalli pavarsinë nga Perandoria Otomane, shpalosi Flamurin Kuqezi dhe bashkë me lirinë konstruktoi shtetin Arbëror në aleancë të ngushtë ushtarake e politike me Fuqitë perendimore, Mbretërinë e Aragonës, Venedikun, Republikën e Raguzës e Papatin.
Në Vitin Jubilar të Moisiut tonë Gjergj Kastrioti ( Skenderbeu) shqiptarëve të Maqedonisë u takon fati e nderi i merituar historik të vendosin me votën e tyre vulën e përjetshme në projektit madhor panshqiptar dhe Euroatlantik për një Maqedoni e Shqipëri Europiane.
Po përse është kaq e rendësishme e me peshë historike vota e shqiptarëve të Maqedonisë në referendumin e 30 shtatorit?
Shqiptarët janë faktor shtetformues në këtë Republikë të vogël nga territori por tepër të rendësishme në pikëpamjen gjeopolitike të Fuqive të mëdha.
Republika e Maqedonisë është nyja gordiane e politikës sllavëruese në Ballkan, krijesë artificiale e Jugosllavisë titiste në një krizë të thellë identiteti dhe e mbajtur peng nga politikat shoviniste ruso-bullgare, në armiqsi me fqinjin jugor Greqinë, për shkak të emrit dhe pretendimeve territoriale. Maqedonia është shndërruar pikërisht për shkak të shqiptarëve autoktonë aty dhe etnogjenezës së saj, një vend kyç për të ruajtur paqen dhe stabilitetin në Ballkan.
Perendimi, Nato dhe BE i ka djegur kartat diplomatike ruso- sllave të cilat hartuan skenarin e shpërbëries së saj.
Pas luftës për të drejtat universale, politike e atyre kombtare të shqiptarëve e arritja e Marrveshjes së Ohrit, ajo që ju intereson më së shumti shqiptarëve të Maqedonisë nuk është shpërbërja e këtij shteti e as ruajtja e mundimshme e status-quosë në një shtet të modelit nacionalist alla – Gruevski, por një Maqedoni Europiane, antare e Natos dhe Bashkimit Europian.
Referendumi i 30 shtatorit që vulos të ardhmen e Maqedonisë është një bonos i merituar të cilin SHBA-Natoja- BE u bajnë shqiptarëve të Maqedonisë e mbarë Kombit Shqiptar, luftërave e betejave shekullore për liri, sakrificave e vokacionit perendimor të shqiptarëve.
Vota plebishitare e shqiptarëve, përcaktuese për një Maqedoni Europiane do të ndaj në dysh nyjën gordiane e do të mbyllë përgjithmonë Kutinë e Pandorës ku ruhen prej shekujsh furtunat e nacionalizmit ekstrem rus, Neçertania, Megalidheja dhe neootomanizmi.
Për të mbërritur në këtë moment historik shqiptarët e Maqedonisë kanë kaluar në një kalvar të gjatë vuajtjesh e sakrificash të mëdha në kohët e vjetra dhe të reja.
Shpirti liridashës e paqedashës i shqiptarëve që jetojnë në trojet e tyre etnike në Maqedoni.
Rreshtimi i tyre në kahjen e drejtë të historisë përkrah Aleancës perendimore janë produkt i një pjekurie të thellë politike dhe i nje vizioni të qartë për të ardhmen historike e fatin e Kombit.
Me 30 shtator shqiptarët duhet të votojnë për identitetin kombtar e rrenjët e lashta historike europiane të Kombit Shqiptar.
Për korifejtë e tyre që u prinë përjetësisht në rrugën historike.
Ata duhet të votojnë për emblemat e ndritshme të Shqpërisë Europiane, Gjergj Kastriotin (Skenderbeun) e Bijën e tyre Shen Terezen.
Për Arbër Xhaferin, për prijësin e tyre, gjeneralin e luftës e arkitektin e paqes Ali Ahmetin.
Me dt 30 shtator Shkupi është kryeqyteti shpirtëror i Kombit tonë.
Të gjithë shqiptarët janë në këmbë për të brohoritur ngadhnjimin e lirisë e demokracisë, për të thirrur solemnisht në simfoni fitore.
Unioni Artistik i Kombit Shqiptar u ban thirrje vallazërore shqiptarëve të Maqedonisë edhe atyre që jetojnë në Diasporë ;
Ngrihuni në kembë si një trup i vetëm, me krenari kombtare e përgjegjësi të lartë historike dhe me votën tuaj plebishitare vendosni Maqedoninë në krah të Aleancës së lirisë, SHBA e BE.
Nderojeni Kalorësin e lirisë Gjergj Kastriotin që ju pret madhështor në Sheshin e tij përballë Kalasë së Shkupit
Shpirti i Kombit e lutjet e Shen Terezes janë me Ju.
Azgan Haklaj-Krytar i Unionit Artistik të Kombëtar

Ylli-Limar Butik Mili
REKLAMONI KETU!
Ylli-Limar
Butik Mili
RELATED ARTICLES

Most Popular

Recent Comments