Televizioni shtetëror serb e njeh pavarësinë e Kosovës
Rajoni, Slider

Televizioni shtetëror serb e njeh pavarësinë e Kosovës

Televizioni shtetëror serb, RTS, gjatë një transmetimi të drejtpërdrejtë, ka shfaqur një hartë të Evropës, ku në të Kosova shfaqet si shtet i pavarur. Gjatë transmetimit, gazetarja ishte duke folur për një spital, i cili është bashkëpunim serbo-italian.

Ndaj këtij transmetimi të drejtpërdrejtë, kanë reaguar edhe mediat serbe, të cilat e kanë konsideruar skandal të televizionit publik.

Madje, në disa media shkruhej “Këto mund të priten vetëm nga mediat në Kosovë, Shqipëri dhe SHBA”, duke shtuar se “ky televizion financohet nga të gjithë qytetarët e Serbisë”, duke e konsideruar të palejueshme.

Radio-televizioni i Serbisë, është televizion shtetëror, i cili financohet nga taksapaguesit serb.

Madje, gazeta Republike, e ka konsideruar këtë si një imazh tronditës të RTS-së.

July 7, 2019

Struga Ekspres