Kthehen balle larte nga Zvicra, medaljen e arte e ka ne dore Shaban Murtishi i K’K ”DRINI”
Më datë 28 shkurt 2015 në Cyrih të Zvicrës u zhvillua Turneu i 7 Ndërkombëtar në Karate “SWISS OPEN 2015” ku morën pjesë klube nga 23 shtete me mbi 1100 sportistë.
Në këtë turne u paraqit edhe Klubi i Karatesë “DRINI” nga Struga me sportistin Shaban Murtishi ne diciplinën kumite( luftë sportive) në kategorinë -60 kg.
Murtishi shkëlqeu në këtë turne duke fituar me meritë të gjithë kundërshtarët e tij dhe për tu stolisur me medalje të artë. Ai ne rrethin e parë fitoi përfaqësuesin nga Franca Balendrakumar Anujan 1:0, në rrethin e dytë fiton përfaqësuesin De Leon Fernando nga Guatelemara me rezultat 4:0. Në gjysëm finale takohet me përfaqësuesin nga Italia Colombo Davide, me te koha e rregullt mbaroj pa pike, por me deklarim te gjyqtareve Murtishi e fiton 4:1, dhe në finale takohet me përfaqësuesin tjeter nga Franca Balendrakumar Gowshekan të cilin e fiton me rezultat 5:2.
Trajneri i K’ K ” DRINI”,Alim Hajredini:Jam shumë i kënaqur me paraqitjen e Sh. Murtishit, ai me meritë u stolis me medalje ari. Dua të faleminderoj edhe njëher z. Shefit Zhuta që bëri të mundur udhëtimin tonë në këtë aktivitet. Gjithashtu një faleminderim për Klubin Karate Kaii Toss me trajner Xhevar Hajredini për pritjen dhe stërvitjen e përbashkët që zhvilluam-perfundon trajneri Hajredini.
