Zana Xheladini shkëlqen në Podujevë
Ditë e diel (10.06.2019) në qytetin e Podujevës në Kosovë, u zhvillua turneu i 19 – Ndërkombëtar në karate për nder të dy dëshmorëve të Kombit “Rrahim Curri & Behar Begolli” dhe ditë së Çlirimit të qytetit të Podujevës.
Për të nderuar dëshmorët e kombit, në këtë aktivitet mori pjesë edhe Klubi i Karatesë “Drini” nga Struga, të cilë u paraqitën në dy diciplina si në kata (luftë imagjinare) dhe në kumite (luftë sportive).
K.K “Drini” nga ky aktivitet këthehet me gjashtë medalje të fituara, nga të cilat tre medalje ari, një argjent dhe dy medalje të bronzta.
Paraqitje të shkëlqyer pati Zana Xheladini e cila pas katër dueleve të fituara në një konkurencë shumë të fortë, me plotë meritë, arriti të stoliset me medalje ari.
Me medalje ari u stolisën edhe Velerda Seferi në kata dhe Ilira Xheladini në kumite.
Me medalje të argjentë u stolis Hamza Zylali. Ndërsa me medalje të bronztë u stolisën Drini Hajredini dhe Gresa Mustafai.
Ky ishte edhe turneu i fundit për këtë sezon për klubin tonë, një sezon i suksesshëm me shumë aktivitete brenda dhe jashtë vendit. Urojmë që sezoni i ardhshëm garues të jetë edhe më i suksesshëm.
Në fund dua të faleminderoj prindërit e sportistëve të cilët janë mbështetësit kryesore e klubit tonë!
