Prej ditës së nesërme do të paguani në të gjtha parkingjet e Strugës,kështu vendosi këshilli komunal i Strugës.NPK. Eko-Struga, nga nesër do të menaxhojë me parkingjet e Strugës të cilën do ta drejtojë Armend Shaqiri nga Dollogozhda,ish ushtari i UÇK-së në luftën e 2001-it,njofton Struga Ekspres.
Të gjithë shoferët që do të parkojnë në qendër të Strugës do të paguajnë nga 50 denarë në orë kurse në loakacione të tjera do të paguani nga 20 denarë deri në 50 denarë në orë!
Kujtojmë që Struga gjatë verës po përballet me vërshimin e madh të makinave si nga mërgimtarët ashtu edhe nga turistët që vizitojnë Strugën, pra edhe pse ka disa parkingje, është e pamjaftueshme për tu parkuar të gjitha makinat duke krijuar kaos edhe në komunikacion në kërkim të parkingut.
Edhe nga policia rrugore në Strugë njoftojnë se makinat e parkuara keq do të gjobiten dhe nuk do të lejojnë kaos në qytet dhe assesi të parkohen nëpër trotuare ku kalojnë kalimtarët.
(Struga Ekspres)
