Disfata e serbëve ndaj Zvicrës nuk ka të bëjë vetëm me çështjen e krijuar politike dhe pretendimin e tyre se u provokuan nga shqiptarët, por edhe me vetë ultrasit apo tifozët personalë që ka secili lojtar. Në një intervistë për “B92”, portieri i Serbisë ka treguar përjetimet e humbjes ndaj Zvicrës.
“Nëse do të ma tregonin para ndeshjes çfarë ndodhi, nuk do ta kisha besuar. Ne do të përpiqemi që të bëjmë një mrekulli. Është e pamundur që të shpjegohemi. S’e di sesi t’ia them mamasë sime që kemi humbur. Kjo është përgjegjësi e madhe dhe nuk po kuptoj sesi po ndodhin të tilla gjëra. Kjo është humbja ime më e keqe në karrierë dhe nuk munda t’i mbaj lotët, pavarësisht se jam njeri që s’më dalin lehtë lotët. Besimi? Është e vetmja gjë që na ka mbetur. Duhet të bëjmë mrekulli”, tha Stojkoviç.
