Presidenti i SHBA-ve Barak Obama, i ka kërkuar kongresit autorizmin për ndërhyrje të forcave ushtarake kundër shtetit islamik.
Në kërkesën e kreut të Shtëpisë së Bardhë theksohet se ISIS përbën një rrezik dhe kërcënim të madh.
Për këtë shkak, Obama kërkoi që krahas bombardimeve nga ajri të autorizohet edhe ndërhyrja ushtarake. Në propozimin e tij presidenti i SHBA shprehet se në ndryshim nga sulmet në Irak dhe në Afganistan, lufta ndaj Shtetit Islamik nuk do të jetë afatgjatë por fleksibël dhe me sulme të kontrolluara.
