Mbi dy milionë zviceranë kanë kontrata të punës
Bota, Slider

Mbi dy milionë zviceranë kanë kontrata të punës

Më shumë se dy milionë punëtorë në Zvicër kanë punë të mbuluara nga një marrëveshje kolektive e punës e cila garanton një pagë minimale, njoftoi Zyra e Statistikave Federale të hënën, shkruan ‘Swissinfo.ch’.

Sipas zyrës, 2,066,550 punëtorë janë të punësuar sipas kushteve të 600 marrëveshjeve të ndryshme kolektive të punës, përcjell albinfo.ch.

Pothuajse gjysma e të gjithë të punësuarve punojnë në industri apo sektorë që ofrojnë marrëveshje kolektive të punës me rregullore detyruese. Statistikat i referohen situatës në mars të vitit 2016.

Sipas marrëveshjeve kolektive të punës, shoqatat e punëdhënësve negociojnë kushtet e punës me stafin dhe sindikatat e tyre.

Marrëveshjet u sigurojnë punëtorëve kontrata, orarin e punës, pushimet, të drejtën për trajnim profesional në vendin e punës, etj.

July 4, 2018
Struga Ekspres