Njëri humanist, tjetri dëshmor! Vëllau i Halilit të cilin nuk e keni ditur.
Gjithsecili e njeh humanistin e madh të trojeve shqiptare, Halil Kastratin. Mirëpo, shum pak ose askush nuk di për vëllanë e tij dëshmor, Besnik Kastratin.
Ai ra dëshmor në luftën e Kosovës, ndërsa vëllau i tij sot vazhdon me veprat humaniste në trojet shqiptare. Halil Kastrati me ndihmën e diasporës shqiptare dhe biznismenëve vendas si dhe bamirësve të ndryshëm nga vendet shqiptare, ka arritur të bëjë me shtëpi qindra familje të pastreha dhe të varfura shqiptare.
Familja Kastrati njihet si familje me vepra të mëdha jo vetëm për nga Halili, por edhe nga vëllau i tij dëshmor.
Skamnorët dhe familjet nevojtare sa herë e takojnë atë, iu ngjallet shpresa se shumë shpejt mund të bëhen me strehë mbi kokë. Halil Kastrati, Drejtor i Shoqatës Humanitare “Jetimat e Ballkanit”, tashmë është kthyer në dorën e ndihmës për qindra familje shqiptare. Ai në një prononcim për Telegrafin ka treguar se deri më tani shoqata ka ndërtuar 100 shtëpi, dhe synojnë që deri në fund të vitit numri i familjeve që do t’iu sigurohet kulmi mbi kokë, do të arrijnë në 200 sosh.
“NË KËTË MUAJ KEMI PLANIFIKUAR T’I NDËRTOJMË 20 SHTËPI DHE 10 BANESA, POR JANË TEJKALUAR PRITJET. ME 2 OSE 3 SHTËPI MË TEPËR”, KA SHTUAR KASTRATI.
Sipas tij, shqiptarët po tregohen shumë humanë, dhe se kontributet që i pranon shoqata e tij janë vetëm nga shqiptarët.
“KEMI NJERËZ QË KANË DHËNË MË MIJËRA EURO, MADJE PËRVEÇ KËSAJ NË DISA RASTE KANË DASHUR TË MBESIN ANONIM. MIRËPO, NE SE PAKU INICIALET E EMRIT I KEMI SHËNUAR. SEPSE ÇDO GJË E EVIDENTOJMË. NËSE DIKUSH I DHURON NJË EURO, EDHE ATO SHËNOHEN”, KA THEKSUAR KASTRATI.
Ai më tutje ka thënë se deri më tani e ka gjetur mbështetjen e institucioneve të vendit, duke shtuar se kontributin për atdheun do ta bëjë në vazhdimësi. Kastrati ka treguar se deri më tani, duke përjashtuar muajin e Ramazanit, çdo javë e kanë dhuruar një shtëpi ose banesë, por që sipas tij, nga, viti i ardhshëm synojnë që ky numër të dy ose trefishohet.
