Thursday, March 28, 2024
Nabizi KUPA REKLAMONI KETU
trim2 REKLAMO KETU!
trim2
Nati-Trans4
REKLAMONI KETU!
REKLAMONI KETU!
HomeOpinionKa një mesazh të fuqishëm Albiona Ajdari nga Struga

Ka një mesazh të fuqishëm Albiona Ajdari nga Struga

Kur mbrëmë rash të flija, kalimthi më kaloj ndër mend mendimi “A do të zgjohem nesër”, por shpresa më beri vetvetiu të vendosja alarmin e zgjimit në celular. Dhe sot u zgjova . Hapa sytë dhe vura re, që unë shikoj . Ndërsa pak e përtuar vendosa të ngrihem nga krevati dhe tek po ecja, arrita të kuptoj, që unë kisha këmbë, këmbë që vërtet ecin . Ende e përgjumur i afrohem banjos në të cilën hapa çezmën e ujit, por ç’të shihja prej saj rridhte uj i bollshëm . Pasi lava mirë fytyrën shkova të haja mëngjes dhe kur hapa derën e frigoriferit ngela e befasuar, aty kishte ushqim të mjaftueshëm, ndoshta dhe të bollshëm . Pasi hëngra mëngjes, mora nënën time në telefon dhe ajo më tha, që jo vetëm jeton, por madje ka një shëndet shumë të mirë . Më pas vendosa të bëj një shëtitje dhe u habita, që mushkritë mu mbushën me ajër të pastër, por ajo që më habiti më tepër është fakti, që bota ka diell, po po diell…diell të madh e të shndritshëm . Pas shëtitjes u ktheva në shtëpi dhe menjëherë u ndërgjegjësova, që e kam një të tillë, e cila ka një çati për të më mbrojtur nga shiu dhe dëbora. Për të mos harruar ngrohjen me sistem kaldaje, që të largon nga i ftohti i acartë i dimrit . Në darkë, kur errësira mbuloi Tokën, preka çelsin dhe nuk keni për ta besuar…u ndez drita. Shtëpia u ndriçua porsi ditën. Unë kisha dritë . E ndërsa rash sërish të flija, unë vendosa alarmin e zgjimit për ditën e nesërme, duke rishpresuar…po po, unë arrij të shpresoj pa fund . E shikoni sa lajme të mira kam unë ? Dhe lajmi më i mirë është, që unë nuk kam bërë kurrë mjaftueshëm për t’i merituar gjithë këto lajme të mira. Por i vetmi lajm akoma më i mirë është, se në çdo pjesë të ditës unë falenderoj të Madhin Zot për gjithçka që më dhuron. Madje e falenderoj, që më ka dhuruar mundësinë dhe dijen, që ta falenderoj . Jo çdo kush e ka këtë mundësi dhe dije . E falenderoj, që çdo falenderim ndaj Tij më bën të jem e ndërgjegjshme për pasuritë, që kam…më bën të jem e lumtur .
Natën e mirë dhe mos harroni të vendosni alarmin e zgjimit për ditën e ardhshme, dmth mos harroni të shpresoni !!
Albiona Ajdari nga Struga për Struga Ekspres.

Ylli-Limar Butik Mili
REKLAMONI KETU!
Ylli-Limar
Butik Mili
RELATED ARTICLES

Most Popular

Recent Comments