Shqipe Jashari, është bashkëshorte, nënë e përkushtuar e tre fëmijëve dhe profesioniste e zonja.
Babai i saj është nismëtar i UÇK-së dhe Shqipja thotë: “Epopeja e familjes sonë nuk ndodhi rastësisht. Për këtë epope, Familja jonë e madhe kishte vite që ishte përgatitur.
Fillimisht ndodhën tri rrethime të familjes: Rrethimi i Parë, më 30 dhjetor, Rrethimi i Dytë, më 22 janar të vitit 1998 dhe Rrethimi i Tretë me 5, 6 dhe 7 mars të po atij viti. Kjo qëndresë me të drejtë u shndërrua në Epopenë më të lavdishme të Ushtrisë Çlirimtare të Kosovës dhe vlerësohet edhe si shembull unikat në historinë e njerëzimit, në luftë për liri të një populli”.
Sot, në secilin ushtar duhet të shihet Adem Jashari, figura e parë që e jetësoj ëndrrën e të pasurit të ushtrisë në Kosovë, shkruan “Kosovarja”.
