Kryetari i komunës së Gostivarit, Arben Taravari përmes një mesazhi në facebook ka theksuar se dje është kërcënuar me jetë ai dhe familja e tij, informon INA.
“Ditën e djeshme unë dhe anëtarë të familjes time jemi kërcënuar me jetë nga Hebib Fejzuli. Ky individ njihet si një person me dosje kriminale nga populli por fatkeqisht të amnestuara nga një parti shqiptaro-destruktive! Ky është njëri nga dy personat që para disa muajsh hyri i armatosur në gjimnazin e Gostivarit dhe sulmoi dy profesorë në vendin e punës së tyre. Hebib, ti tashmë do jesh subjekt i akuzuar nga mua personalisht në organet e Drejtësisë dhe për të bërë më të njohur do të paraqes rastin tënd në çdo ambasadë, insitucion apo politikan Ndërkombëtar.
Ti nuk je vetëm një armik i imi (pasi më kërcënon), por je armik i një Gostivari të tërë duke shqetësuar qytetarët të pambrojtur nga politika!
Nuk doja të të jepja kaq rëndësi pasi në fakt ti je viktimë e një fenomeni të mbrapshtë politik-mafioz, por individë si ti janë në borxh të madh me Drejtësinë prandaj ju ka ardh koha të lajnē borxhet!
Të jeni të sigurtë që nuk tolerojmë askënd që prek lirinë dhe të drejtat e qytarëve!
Është misioni ynë!/Arben Taravari”, ka shkruar Taravari.
